د جمعیت اسلامي او ملي جنبش ګوندونو ویاند د سولې خبرو اترو ته د حکمتیار له راتګ څخه هرکلی کوي.
دغه سیاسي ګوندونه ټينکار کوي چې د هر مخالف وسلهوال وسلهاېښودل کولای شي سولې ته د رسېدو لپاره اغېزمنه وي،خو هېڅکله باید ملي ګټې د سیاسي مشورو قرباني نهشي له ګلبدین حکمتیار څخه چې بېرته تاوتریخوالي لپاره نه یوځای کېږي ضمانت واخیستل شي.
د افغانستان د ملي جنبش ګوند ویاند بشیر احمد تهینج وايي:«موږ له دې چې حزب اسلامي هوکړه کړې ده چې له تاوتریخوالي څخه لاس اخلي،هرکلی کوو او دا کار د هېواد په خیر او ګټې بولم. حکومت باید له ټولو مخالفو سیاسي ډلو څخه چې د سولې له بهیر سره یوځای کېږي،ځواک من ضمانت واخلي ترڅو بېرته په تاوتریخوالي لاس پورې نه کړي د خلکو او حکومت ترڅنګ پاتې شي.»
د ملي جنبش ګوند تر څنګ ، د اسلامي جمعیت ګوند ډېر غړي چې د حکومت په لوړو څوکیو کې کار کوي وايي سره له دې چې له دې ګوندونو سره په جلا جلا ډول مشوره نهده شوې خو د يادو ګوندونو مشران د تاوتریخوالو پای ته رسولو ته د ګلبدین حکمتیار د اسلامی حزب له خوا د شین څراغ هرکلی کوي.
د افغانستان د اسلامي جمعیت ګوند ویاند واقف حکیمي په دې اړه څرګنده کړه:«د افغانستان د اسلامي جمیعت ګوند د هېواد د پرمختګ او پراختیا لپاره له هرې هڅې هرکلی کوي او هېواد ته د اسلامي حزب د مشر راتلل په هغه صورت کې چې نور جګړې ته د پای ټکی کېږي،هرکلی کوو.»
حکومت له حکمتیار سره د سولې د خبرو اترو د بریا یو علت، د افغانانو ترمنځ د خبرو اترو بریا ګڼي.
د ولسمشر د ویاند مرستیال شاه حسین مرتضوي په دې اړه وویل:«موږ په دې باور یوو چې له اسلامي حزب سره زموږ د خبرو اترو پایله دا وه چې دغه خبرې اترې،د افغانانو ترمنځ خبرې اترې وې او له طالبانو څخه هم غواړو چې د اسلامي حزب په څېر له افغانانو سره د دغو خبرو اترو له لارې هڅې وکړي.»
افغانان هم د حکومت له ټولو مخالفینو غواړي چې پلمې یوې خوا پرېږدي او ځان د پردیو له منګولو خلاص کړي.
د کابل اوسېدونکي عبیدالله څرګنده کړه:«ویل کېږي چې اسلامي حزب له حکومت څخه ۴ مېلونه ډالره او ښارګوټۍ غوښتی دی؛د سولې په مذاکراتو کې دا شان شرطونه باید یاد نه شي هر څوک چې سوله کوي باید د ملت د ګټې او خیر لپاره یې وکړي نه د خپلې ګټې لپاره.»
د ګلبدین حکمتیار د اسلامی حزب له غړو سره د حکومت خبری اتري وروسته له هغه جدي شوې چې له طالبانو سره د حکومت د سولې خبرې بې پایلې شوي.
د اسلامی حزب غړي که څه هم د خپل مشر د اوسېدو د ځای په اړه څه نه وايي خو زیاتوي چې نوموړی به ډېر ژر کابل ته راشي.
