د افغانستان د ملي امنیت ځواکونو د د القاعده مهم غړی او د پاکستاني وسله والو پخوانی مشر وژلی.
ملي امیت په یو بیان کې لیکلي، چې د ملي امنیت ځانګړو ځواکونو د روان کال د جنوري په نهمه د غزني په ناوه ولسوالۍ کې د عملیاتو په لړ کې د القاعده شبکې یو مهم غړی سیف الله د هغه له ملګري سره یو ځای وژلی دی.
خبرپاڼه زیاتوي، چې سیف الله اختر اوس د القاعده شبکې مهم غړی وو چې د طالبانو د رژیم پر مهال یې په افغانستان کې د پاکستاني جګړه مارو مشري کوله او د دېرشو زرو په شاوخوا کې پاکستاني اورپکي یې منځنۍ آسیا ته د جګړې لپاره په افغانستان کې راغونډ کړي وو.
د ملي امنیت په وینا، ده هغه مهال په بګرام کې د القاعده له اوسني مشر ایمن الظواهري سره په ګډه د ترهګرو د یوه مهم مرکز مشري هم په غاړه درلوده او په دې سربېره یې په ریشخور کې د بهرنیو ترهګرو د یو نظامي کمپ سرپرستي کوله.
ملي امنیت وایي، سیف الله اختر دوه ځله په پاکستان کې نیول شوی وو خو د یاد هېواد د سیمې د چارواکو له خوا په زور دواړه ځله له زندانه خوشي او افغانستان ته د جګړې لپاره را ولېږل شو.
ملي امنیت زیتاتوي، چې نوموړي له ډېرې مودې راهیسې د افغانستان د اسلامي جمهوري دولت پر ضد د پاکستانۍ وسله والې ډلې مشري کوله.
Source Khaama Press
